Gravación e teaser promocional para unha obra de teatro de Albert Boadella

Ella é a última creación teatral do dramaturgo e director catalán Albert Boadella, fundador dos míticos Els Joglars. Unha obra que reflexiona sobre a superación dos traumas personificada nunha muller que ven de sufrir unha violación.

Produciós OU ké! foi a encargada de rexistrar o espectáculo en directo no Teatro Principal de Ourense o 13 de decembro de 2024. A gravación abarcou a representación completa a dúas cámaras para capturar tanto a totalidade do espectáculo como os momentos máis expresivos da actuación.

Ademais do rexistro integral, o equipo creou un teaser promocional para a difusión da obra en canles dixitais: unha peza concisa e coidada que transmite a esencia do espectáculo respectando a visión artística do director e invitando a novas audiencias a descubrir esta proposta escénica.